أنوع الدهون في جسم الإنسان وكيفية التخلص منها

الدهون انواع وفي نوعين من الدهون في جسم الانسان في دهون بتكون تحت الجلد مباشرة
Subcutaneous fat.
وفي الدهون الحشوية
Visceral fat
الدهون الي تحت الجلد هي السبب الرئيسي في شكل الجسم السمين واللي بيخلي الانسان غير راضي عن مظهرة
ولكنها مش بخطورة الدهون الحشوية الي بتكون على الأعضاء الداخلية للجسم كبد قلب الخ الخ…
لانها كل مازادت زاد احتمال الامراض مقاومة الانسولين والسكر وأمراض القلب والشرايين
\يب تعرف دهونك ازاي ؟
ادق الاجهزة ال
dexa scan
CT scan
اما جهاز ال
inbody
ده غير دقيق بشكل كافي ولا يعتمد عليه لكن بيديك رقم تقريبي بنسبة 60%

والاجهزة دي مش سهل الوصول ليهم لاغلب الناس او العامة لكن في طريقة اسهل وهي محيط الوسط ممكن يدينا فكرة كويسة
عند الرجاله لما يكون قياس الوسط اكبر من (١٠٢سم).كده انت عندك دهون حشوية
عند الستات يكون اكبر من (٨٨سم).
الحاجة الكويسة يعتبر التخلص من الدهون الحشوية أسهل واسرع من الدهون تحت الجلد لان الجسم يدرك خطورتها فيحاول التخلص منها بعكس الدهون تحت الجلد بتكون عنيدة وعايزه صبر اكتر لكن مع الاستمرار على الدايت والرياضه بتستسلم في الاخر.
نقدر نتخلص منها زي الدهون العادية بالدايت والرياضة مالهاش علاج او حل سحري ولا يمكن شفطها باستخدام اي من جراحات التجميل و الشفط زي الدهون الي تحت الجلد. ولا بيحوق فيها مشروبات ولا ادوية ولا الجن
دايت ورياضه ورياضه ودايت

بالمناسبة مش اكل الدهون هو اللي بيزود الدهون في الجسم
اي اكل مادام ازيد من احتياجك اليومي مقارنة بنشاطك هايزوك في الوزن حتى لو بتسف تراب حاف

Writing rights to Safa7 el Fat