التغلب علي الخوف

“الشيء الوحيد الذي يجب ان نخافه هو الخوف نفسه”

الخوف من التجربة او المحاولة ممكن يحرمنا من فرص كتير في الحياة والنجاح

لكن في الاول لازم نعرف نتقبل خوفنا

الخوف هو شعور بيولوجي موجود عندنا كلنا لكن مش كل الناس بتعرف إزاي تتعامل معاه

اتقبل خوفك وخليه دافع ليك عشان تكون أحسن

دول 5 نصائح يساعدوك تتغلب على خوفك

1- افحص خوفك تحت الميكروسكوب
اعرف الاسباب اللي بتخليك خايف من حاجة معينة واكتب الإحساس اللي بتحسه أو أي اعراض بتحصلك لما تفكر تعمل الحاجة دي زي(زيادة ضربات القلب أو العرق )

2- حط خوفك في سياق
جاوب على السؤال ده
إيه اسوأ حاجة ممكن تحصل؟ إيه تأثيرها على حياتي؟

3- فكر بشكل منطقي في خوفك
إحساس الخوف بيكون نتيجة مشاعر الإنسان اكتر من اسباب منطقية
عشان كده حاول تفكر في خوفك واسبابه بشكل منطقي
ايه احتمالية حدوث اسوأ نتيجة من الحاجة اللي بتسببلك الخوف

4- استرخى
اجبر جسمك على الاسترخاء من خلال بعض تمارين التأمل او اليوجا والتنفس بعمق
كل ده هيقلل مشاعر الخوف وهيجبر جسمك على الاسترخاء وتقليل معدل ضربات قلبك

5- واجه خوفك واتعود عليه
غالبا تكرارك للقيام بحاجة معينة بيساعدك على التعود عليها وتقليل خوفك منها
واجه مخاوفك واعمل اي حاجة بتخاف منها