مايكروسوفت مصر تعلن برامج تدريب في البرمجة بعدة محافظات فترة تدريب

تدريب مايكروسوفت مصر CS Week 2019

تعلن مايكروسوفت مصر بالتعاون مع وزارة الشباب والرياضة عن برامج تدريب في البرمجة مجاناً للشباب والبنات من حملة جميع المؤهلات في عدة محافظات، وذلك وفق التفاصيل التالية:

العالم كله بيحتفل بعلوم الحاسب خلال شهر ديسمبر بهدف التشجيع على تعلم لغات الكمبيوتر أو البرمجة وده في ذكرى ميلاد جريس هوبر رائدة علوم الحاسب الآلي الأمريكية واللي اخترعت أول مترجم أوامر لتحويل لغة البرمجة إلى لغة يقرأها الحاسب.

وبيتم تنظيم فعاليات مختلفة في أسبوع ميلادها لتشجيع تعلم علوم الكمبيوتر والبرمجة.

ومن ضمن الفعاليات دي Hour of Code أو ساعة البرمجة اللي بتتنظم في جميع أنحاء العالم وبيشارك فيها ملايين الأشخاص من كل الأعمار وهدفها إثبات أن أي شخص ممكن يتعلم البرمجة بسهولة.

مايكروسوفت بالتعاون مع وزارة الشباب والرياضة ومؤسسة كير مصر السنة دي بيحتفلوا بأسبوع علوم الحاسب عن طريق تدريبات متنوعة لتعليم البرمجة بسهولة طوال شهر ديسمبر.

زي تدريب الـ App Lab
واللي من خلاله هتصمم وتنفذ تطبيقك ببساطة وباستخدام JavaScript

وتدريب البرمجة مع لعبة Minecraft
واللي هتتعلم فيه مهارات البرمجة الأساسية من خلال تركيب قطع وإكمال الخطوات كلها

وتدريب علي HTML
هى اللغه الى هتمكنك من بناء صفحتك الخاصه على الانترنت

وتدريب علي CSS
ما تقدرش تستغنى عنها لو عايز تبنى الموقع الخاص بك. هتتعلم تتحكم فى الالوان والاشكال وحجم العناصر ومكانها فى صفحتك

وتدريب علي jQuery
كلنا محتاجين الJavaScript لكن الوقت مناسب انك تحقق نفس النتيجه لكن بكود اقل

مهما كان عمرك أو مجالك، لو إنت عندك خلفية عن البرمجة أو معندكش أي فكرة عنها، ممكن تشارك معانا وتتعلم برمجة في فعاليات ساعة البرمجة اللي بيتم تنظيمها في محافظات مصر المختلفة طوال شهر ديسيبمبر.

التدريب هيتنفذ على 8 مستويات كل مستوى فيه محتوى تدريبي جديد وهتحصل على شهادة معتمدة لكل مستوى يعنى ممكن تحصل على 8 شهادات مختلفة وكمان كل مستوى مستقل ومش مرتبطين ببعض.

كل المطلوب منك إحضار موبيل أو لابتوب واشتراك انترنت كلما امكن لتحقيق الاستفادة القصوى.

?في انتظار حضوركم?

وممكن تعرف أماكن ومواعيد التدريبات في محافظتك من اللينك ده:

– أماكن ومواعيد التدريب

– تسجيل الحضور